[無綫][開心大綜藝] 如果呢個係新領導層傾盡全力去做嘅綜藝大騷，咁就真係有一種「係咁先」嘅感覺。
十年嘅落後，換嚟十年後再做返十年前甚至係二十年前嘅內容。其實遊戲唔怕舊、扮嘢唔怕醜，萬變不離其宗。副總經理口中嗰個唔夠4點收視（但係好多廣告）嘅電視台，其實都係咁做，但人哋玩得夠投入夠癲夠朝氣。
如果喺玩嘢方面跟唔上潮流，咁就唔好玩，認真做節目。學方東昇今次終於唔搞爛gag踏實返反而更好睇。
以為大堆頭大cast加埋揼本嘅台燈鏡頭就無敵，咁你啲大劇點解唔收得？《開心大綜藝》、《聲夢傳奇》、《勁歌金曲》人多勢眾，《聲夢傳奇》更加係星光熠熠，勁多重量級幕後製作人。但就係太多人，前者亂到七彩，後兩個節目甩皮甩骨，好嘅comment冇時間講，冇用嘅comment就畀airtime佢，點搞？包裝唔怕多，但做唔好個節目內容，包裝就只係一秒露底嘅花紙。
最可怕係嗰種老套嘅味道。唔知點嚟，自然唔知點抹走。
#無綫 #TVB #開心大綜藝
Search